ကလေးငယ်တွေကို ပျော်ရွှင်စေတဲ့ (၁၁)နည်း

ပျော်ရွှင်တဲ့ကလေးငယ်တွေမှာ တူညီတဲ့အချက်တွေရှိတယ်လို့ လေ့လာဆန်းစစ်ချက်အရ တွေ့ရှိခဲ့ကြတယ်။ အဲဒီတူညီချက်တွေက မိမိကိုယ်ကိုယ် ယုံကြည်မှုရှိခြင်း၊ အကောင်းမြင်တတ်ခြင်းနဲ့ ကိုယ့်ကိုယ်ကို ထိန်းချုပ်နိုင်ခြင်းတွေ ဖြစ်တယ်။ ပညာရှင်တွေရဲ့ လေ့လာဆန်းစစ်ချက်နဲ့ကိုက်ညီတဲ့ အကြံ(၁၁)ချက်နဲ့ ပျော်ရွှင်ကျန်းမာတဲ့ကလေးတစ်ယောက် ပြုစုပျိုးထောင်နိုင်အောင် ထုတ်ဖော်တင်ပြလိုက်ပါတယ်။

(၁) ကလေးငယ်ကို ဆော့ကစားဖို့အချိန်ပေးပါ။ နေ့စဉ်ဘဝကို စည်းကမ်းချက်တွေနဲ့ သတ်မှတ်မထားပါနဲ့

အမေရိကန် ကလေးပညာဖွံ့ဖြိုးရေး ပညာရှင် Thomas. Armstrongက လွတ်လွတ်လပ်လပ် ဆော့ကစားခြင်းက အစီအစဉ်ဆွဲပြီး သတ်မှတ်တဲ့ကစားနည်းတွေထက် ကျောင်းနေစ ကလေးငယ်တွေကို ပိုကျန်းမာစေတယ်လို့ဆိုတယ်။

ကလေးငယ်ရဲ့အချိန်တွေကို ကျောင်းစာ၊ သင်တန်းတွေနဲ့ ပြည့်ကျပ်အောင် မိဘတွေစီစဉ်မထားသင့်ဘူး။ ကလေးငယ်တိုင်းဟာ အားလပ်ချိန်၊ လွတ်လွတ်လပ်လပ် ဆော့ကစားချိန်တွေကို လိုအပ်ပါတယ်။ ဒီလိုမှ သူတို့ရဲ့တွေးတောစွမ်းရည်တွေကို အတားအဆီးမရှိ ထုတ်ဖော်နိုင်မှာဖြစ်တယ်။ ပင့်ကူအိမ်ဖွဲ့နေတာကို သူတို့စိမ်ပြေနပြေ ကြည့်ပါစေ။ ပိုးစုန်းကြူး ဘာလို့အလင်းဖြာသလဲဆိုတာကို သူတို့လေ့လာပါစေ။ သူတို့ရဲ့သဘာဝအတိုင်း သူတို့စိတ်ဝင်စားတဲ့ လောကကြီးအကြောင်းကို သူတို့စူးစမ်းပါစေ။ သင်လည်း သင်ခြေလှမ်းကိုအရှိန်လျော့ အချိန်ဇယားတွေကို ဘေးဖယ်ပြီး ကလေးနဲ့စည်းဝါးကျကျ ဘဝကိုခံစားကြည့်နိုင်ပါတယ်။

(၂) တခြားသူကို ဂရုစိုက်ချစ်ခင်တတ်ဖို့ သွန်သင်ညွန်ပြပါ

ပျော်ရွှင်တဲ့ကလေးငယ်ဟာ တခြားလူနဲ့ ဆက်နွယ်တဲ့ခံစားချက်ကို ခံစားနားလည်ဖို့ လိုအပ်တယ်။ ဒီလိုခံစားချက်ကို တခြားကလေးကူညီတာ၊ လူတွေနဲ့ ပြောဆိုဆံဆက်တာကနေ ရနိုင်တယ်။ ကလေးနဲ့အတူ ကစားစရာတွေ သိမ်းဆည်းတာကို သင်လုပ်နိုင်သလို ဆင်းရဲတဲ့နိုင်ငံက ကလေးငယ်တွေအတွက် ရံပုံငွေတွေကို အတူထည့်သွင်းတာမျိုးလည်း လုပ်နိုင်ပါတယ်။ ကျောင်းမှာလုပ်တဲ့ လှုပ်ရှားမှုတွေမှာလည်း ပါဝင်နိုင်အောင် ကလေးငယ်ကို အားပေးတတ်ရပါမယ်။ ပညာရှင်တွေရဲ့ ဆန်းစစ်ချက်အရ ကလေးငယ်တွေဟာ ငယ်ငယ်လေးကတည်းက တခြားလူကိုကူညီရင်း အပျော်တွေကို ခံစားမိတတ်တယ်။ ကြီးပြင်းလာတဲ့အခါမှာလည်း တခြားလူကို ကူညီတဲ့အကျင့် ရှိသွားတယ်လို့ ဆိုပါတယ်။

(၃) အားကစားလုပ်ဖို့ ကူညီအားပေးပါ

ကလေးငယ်နဲ့အတူ ဘောလုံးဆော့ကစားတာ၊ စက်ဘီးစီးတာ၊ ရေကူးတာ.... တွေဟာ ကလေးငယ်ရဲ့ ခန္ဓာကိုယ်ကိုကျန်းမာအောင် လေ့ကျင့်ပေးရုံသာမက သူ့ကို ပိုဖော်ရွေပျော်ရွှင်အောင် လေ့ကျင့်ပေးနိုင်ပါတယ်။ ကိုယ်လက်လှုပ်ရှားမှုတွေက ကလေးငယ်ရဲ့စိတ်ဖိအားနဲ့ ခံစားချက်ကို ဖြည်လျော့ပေးနိုင်သလို သူ့ကိုယ်သူကိုလည်း နှစ်သက်စေပါတယ်။ ကျန်းမာတဲ့ခန္ဓာကိုယ်နဲ့ အားကစားကြောင့်ရတဲ့ ပျော်ရွှင်မှုနဲ့ ကြီးပြင်းမှုတွေကိုလည်း ခံစားစေပါတယ်။

(၄) အမြဲပြုံးရယ်ပါ

ကလေးငယ်နဲ့ ရယ်စရာတွေပြောပြီး အမြဲပြုံးရယ်ပါ။ ပျော်စရာသီချင်း၊ ရယ်စရာသီချင်းတွေကို စပ်ဆိုပါ။ ပက်ပက်ဟက်ဟက် ရယ်မောခြင်းက ကလေးနဲ့သင့်ကို ကောင်းကျိုးတွေရစေပါတယ်။ အားပါးတရ ရယ်မောခြင်းက အကောင်းဆုံး အားကစားတစ်မျိုးဖြစ်ပါတယ်။

(၅) ဆန်းသစ်တဲ့ ချီးမွမ်းမှုတွေရှိပါစေ

ကလေးငယ်မှာ ကောင်းတဲ့အပြုအမူတွေရှိတဲ့အခါ "ကောင်းတယ်"ဆိုတဲ့ စကားတစ်ခွန်းသာမက တိကျတဲ့ချီးကျူးမှုတချို့လည်း လိုအပ်တယ်။ သူရဲ့ဘယ်အပြုအမူက လူကိုပိုသတိထားမိစေကြောင်း ဒါမှမဟုတ် အရင်တစ်ခေါက်ထက် ပိုတိုးတက်လာကြောင်း အသေးစိပ်တချို့ကို ပြောသင့်တယ်။ ဥပမာ "ဒီမနက် ကျောင်းပေါက်စောင့် ဦးဦးကို သမီးအရင်စနှုတ်ဆက်လိုက်တယ်.... သမီးသိပ်လိမ္မာတာပဲ" ဆိုသလိုမျိုး။ ဒါပေမဲ့ ချီးကျူး၊ ချီးမွမ်းပြောတဲ့နေရာမှာ ကလေးငယ်တွေအတွက် မှားယွင်းတဲ့အကျင့်မဖြစ်အောင်လည်း သတိထားရပါတယ်။ တချို့မိဘတွေက လက်ဆောင်၊ ငွေကြေးတွေသုံးပြီး ကလေးငယ်ကို ချီးမွမ်းကြတယ်။ ဒီလိုအချိန်မှာ ကလေးငယ်ရဲ့ အဓိကစိတ်က ကောင်းမွန်တဲ့အပြုအမူပေါ် မဟုတ်တော့ဘဲ လက်ဆောင်ငွေကြေးတွေအပေါ် သက်ရောက်သွားတတ်တယ်။ ကိစ္စတစ်ခုဆောင်ရွက်ပြီးတိုင်း ရလာတဲ့အောင်မြင်မှုနဲ့ အားရကျေနပ်မှုကို ကလေးငယ်ခံစားအောင် မိဘတွေကသိစေသင့်တယ်။ လက်ဆောင်ပစ္စည်းနဲ့ ချီးကျူးတာမျိုး မဖြစ်သင့်ဘူး။

(၆) ကျန်းမာတဲ့အစားအစာတွေ စားပါစေ

ကျန်းမာတဲ့အစားအစာတွေဟာ ကလေးငယ်ရဲ့ ခန္ဓာကိုယ်ကို ကျန်းမာစေရုံမက စိတ်ခံစားမှုကိုလည်း တည်ငြိမ်စေတယ်။ ထမင်းစားတဲ့အခါဖြစ်ဖြစ် သွားရေစာစားတဲ့အခါဖြစ်ဖြစ် ကျန်းမာတာကို အဓိကထားပြီး စားသုံးသင့်တယ်။ ဥပမာ-- အဆီနည်း၊ အချိုနည်းတဲ့အစာ၊ လတ်ဆပ်တဲ့အစာ စတာတွေကို မျှမျှတတ စားသုံးသင့်ပါတယ်။

(၇) သူ့ရင်ထဲ ကိန်းဝပ်နေတဲ့ အနုပညာပင်ကိုယ်စွမ်းရည်ကို ဖော်ထုတ်ပါ

"Mozart Effect" မိုးဇက်သက်ရောက်မှုဆိုတာ မရှိဘူးလို့ သိပ္ပံပညာရှင်တွေ အတည်ပြုခဲ့ပေမယ့် ကလေးတော်တော်များများဟာ ဂီတ၊ ပန်းချီ၊ အကစတာတွေနဲ့ ထိတွေ့မိတာနဲ့ ပျော်ရွှင်မြူးတူးလာတတ်ကြတယ်။ ဒီအရာတွေနဲ့ ကလေးငယ်ရဲ့စိတ်လောကကို ပြည့်ဖြိုးစေနိုင်ပါတယ်။ ပညာရှင်တွေရဲ့ ဆန်းစစ်ချက်မှာ ကလေးငယ်တွေဟာ အတီးတွေနောက်လိုက်ပြီး ကခုန်တာ ဒါမှမဟုတ် ရောင်စုံခဲတံနဲ့ လျှောက်ခြစ်တာ စတာတွေဟာ သူတို့ရဲ့အတွင်းစိတ်၊ ခံစားချက်ကို ထုတ်ဖော်နေတာဖြစ်တယ်လို့ ဆိုထားပါတယ်။ ကလေးငယ်တွေ ပန်းချီဆွဲဝါသနာပါတာ၊ ကတာကို နှစ်သက်တာ၊ ဂီတတူရိယာတွေကို တီးမှုတ်တာတွေဟာ သူတို့ကိုယ်သူတို့ နှစ်သက်အားကျစေပါတယ်။

(၈) မကြာခဏ ပွေ့ဖက်ပါ

ခပ်ဖွဖွပွေ့ဖက်မှုတစ်ခုက အဆုံးမရှိတဲ့ ဂရုစိုက်ခြင်းတွေ၊ အသံမဲ့ချစ်ခြင်းမေတ္တာတွေကို သယ်ဆောင်ပေးနိုင်ပါတယ်။ လေ့လာဆန်းစစ်ချက်အရ နွေးထွေးတဲ့ပွေ့ဖက်မှုက လမစေ့ဘဲမွေးတဲ့ ကလေးငယ်ကို ပိုကျန်းမာစေတယ်၊ ပိုသွက်လက်ဖော်ရွေစေတယ်၊ စိတ်ခံစားချက်ကို ပိုတည်ငြိမ်စေတယ်လို့ ဆိုထားပါတယ်။ လူကြီးတွေအတွက်တော့ နွေးထွေးတဲ့ပွေ့ဖက်မှုက စိတ်ဖိအားကို လျော့နည်းစေတယ်၊ ခံစားချက်ကို တည်ငြိမ်စေတယ်လို့ ဆိုပါတယ်။

(၉) ရင်ဘတ်နဲ့ သေသေချာချာနားထောင်ပါ

ဘယ်အရာကမှ ရင်ဘတ်နဲ့နားထောင်တာလောက် ကလေးငယ်ကို ပိုဂရုစိုက်ခံရတယ်လို့ ထင်စေတဲ့အရာ မရှိတော့ပါဘူး။ သေသေချာချာ နားထောင်တတ်သူတစ်ယောက် ဖြစ်ချင်ပါသလား? ကလေးပြောတဲ့စကားကို နားတစ်ဘက်ထဲနဲ့ နားမထောင်ပါနဲ့။ လုပ်လက်စအလုပ်ကို ရပ်ပြီး သူပြောတဲ့စကားကို စိတ်ဝင်တစားနားထောင်ပေးပါ။ သူပြောလိုရာကို ပြီးတဲ့အထိ စိတ်ရှည်ရှည်ထား နားထောင်ပေးပါ။ ကြားဖြတ်ပြီး စကားမပြောပါနဲ့။ အလျင်စလို မဖြေရှင်းပါနဲ့၊ မြန်မြန် မပြောခိုင်းပါနဲ့။ သူပြောတဲ့အကြောင်းအရာကို သင် ဆယ်ခါပြန်နားထောင်ခဲ့ဖူးလည်း သေသေချာချာ စိတ်ပါလက်ပါ ထပ်နားထောင်ပေးလိုက်ပါ။ ကလေးငယ်ကို ကျောင်းပို့ကျောင်းကြိုချိန် ဒါမှမဟုတ် ညအိပ်ရာဝင် ချော့သိပ်တဲ့အချိန်တွေဟာ နားထောင်တဲ့ အကောင်းဆုံးအချိန်တွေဖြစ်ပါတယ်။

(၁ဝ) အကောင်းဆုံးဖြစ်ဖို့ မမျှော်လင့်ပါနဲ့

ကလေးငယ်တိုင်းကို အကောင်းဆုံးဖြစ်ဖို့ မိဘတိုင်းမျှော်လင့်ကြတယ်။ တစ်ခါတလေမှာ သူတို့ရဲ့အပြုအမှုတွေကို အလျင်စလို ကျွန်တော်တို့ပြုပြင်ချင်ကြတယ်၊ ပြောင်းလဲချင်ကြတယ်။ ဥပမာ စားပွဲခုံသုတ်တာ မပြောင်ဘူး၊ ပစ္စည်းကို သတ်မှတ်ထားတဲ့နေရာမှာပဲ ပြန်ထားခိုင်းတာတွေဖြစ်တယ်။ အရာရာတိုင်းကို အကောင်းဆုံးတောင်းဆိုရင် ကလေးငယ်တွေရဲ့ မိမိကိုယ်ကိုယ်ယုံကြည်မှုနဲ့ လုပ်ရဲတဲ့သတ္တိတွေ ကျဆင်းလာစေတတ်တယ်။ ကလေးငယ်တွေ တစ်ခုခုအမှားလုပ်မိတဲ့အခါ အလျင်စလို ပြုပြင်မပေးခင် "ဒီကိစ္စက ကလေးငယ်ရဲ့ကျန်းမာရေးနဲ့ လုံခြုံရေးမှာ အကျုံးဝင်လား! မဝင်လား!" ၊ "နောင် ၁ဝနှစ်အကြာမှာ ဒီကိစ္စအရေးပါနိုင်သေးလား?" ဆိုတာကို အရင်စဉ်းစားပါ။ တကယ်လို့ အရေးမပါဘူးဆိုရင် ကလေးငယ်ဘာသာ လုပ်ပါစေ။

(၁၁) ကိစ္စတွေ ဘယ်လိုဖြေရှင်းမလဲဆိုတာကို လမ်းညွှန်သွန်သင်ပါ

ဖိနပ်ကြိုးချည်တာကို သင်ယူတာကအစ မျဉ်းလမ်းဖြတ်ကူးတာကအဆုံး ခြေလှမ်းတိုင်း၊ သင်ယူမှုတိုင်းဟာ ကလေးငယ်ကို ကိုယ့်အားကိုယ်ကိုးစေတဲ့ သင်ခန်းစာတွေဖြစ်တယ်။ ကိစ္စရပ်တွေကို သူ့ဘာသာဖြေရှင်းနိုင်တဲ့ အင်အားရှိပြီလို့ သူ့ကိုယ်သူ သတိပြုမိတဲ့အခါ ပျော်ရွှင်ခြင်း၊ အားရကျေနပ်ခြင်းတွေကို သူခံစားမိပါလိမ့်မယ်။

အထက်ကအချက်တွေအားလုံးကို လူကြီးမိဘတွေလည်း ပိုင်ဆိုင်သင့်ပါတယ်။ ဒီအချက်တွေကို ပိုင်ဆိုင်မှ ကလေးငယ်တွေကို ပျော်ရွှင်စေဖို့ ဆုံးမသွန်သင်နိုင်မယ် မဟုတ်ပါလား?

မူရင်း-- http://space.atmovies.com.tw/space/space.cfm?action=data&type=clist&CID=GB&sid=144421&mid=0&page=34

နိုင်းနိုင်းစနေ

Reade more >>

သိထားသင့်တဲ့ စင်ကာပူ (၇)

မောင်ပွတ်

ဒီတပတ်အတွက် သိထားသင့်တဲ့ စင်ကာပူမှာ စင်ကာပူ အစိုးရဖွဲ့စည်းပုံနဲ့ ရွေးကောက်ပွဲတွေ အကြောင်း ဖော်ပြသွားမှာပါ။  ဖော်ပြတဲ့အခါမှာ စင်ကာပူ အစိုးရကို ကြိုက်ခြင်း၊ မကြိုက်ခြင်း၊ ရွေးကောက်ပွဲတွေဟာ တရားမျှတမှု ရှိ၊ မရှိ စတာတွေကို ဝေဖန်ထောက်ပြသွားမှာ မဟုတ်ဘဲ သိထားသင့်တဲ့ အချက်အလက်လေးတွေကို တတ်နိုင်သလောက် အခြေခံပြီး ဖော်ပြသွားမှာ ဖြစ်ပါတယ်။

စင်ကာပူကျွန်းကို အပြည့်အဝ လွတ်လပ်ရေး ပေးတာ မဟုတ်ပေမယ့် ကိုယ်ပိုင်အစိုးရနဲ့  အုပ်ချုပ်ခွင့်ပြုတဲ့ “၁၉၅၈ စင်ကာပူ အက်ဥပဒေ” ကို ဗြိတိသျှပါလီမန်က ၁၉၅၈ ခုနှစ် သြဂုတ်လ ၁ ရက်နေ့မှာ ပြဌာန်းပါတယ်။ ၁၉၅၉ မှာ အခြေခံဥပဒေအသစ် စတင် အသက်ဝင်ခဲ့ပါတယ်။ အဲဒီနှစ်မှာပဲ ကျင်းပတဲ့ ပြည်လုံးကျွတ်ရွေးကောက်ပွဲမှာ လီကွမ်ယူးဦးဆောင်တဲ့ People's Action Party (PAP) ပါတီက အမတ် နေရာ ၅၁ ခုမှာ ၄၃ ခုအတွက် ရွေးကောက်ခံခဲ့ကြရပြီး အပြတ်အသတ် အနိုင်ရရှိခဲ့ပါတယ်။ လီကွမ်ယူးကို စင်ကာပူရဲ့ ပထမဆုံး ဝန်ကြီးချုပ်အဖြစ် တင်မြှောက်ပြီး PAP ပါတီက ဝန်ကြီး ၉ ဦး ခန့်အပ် ခံရပါတယ်။ ၁၉၆၃ မှာ မလေးရှားနဲ့ ပူးတွဲ လွတ်လပ်ရေးပေးခဲ့ပြီး ၁၉၆၅ သြဂုတ်လ ၉ ရက်နေ့မှာတော့ အပြည့်အဝ လွတ်လပ်သော စင်ကာပူနိုင်ငံအဖြစ် ကြေညာခဲ့ပါတယ်။

အစိုးရဖွဲ့စည်းပုံ

Westminster ပါလီမန်စနစ်ကို အခြေခံထားတဲ့ စင်ကာပူရဲ့ အခြေခံဥပဒေအရ အချုပ်အခြာအာဏာကို နိုင်ငံတော်သမ္မတနဲ့ အစိုးရဝန်ကြီးအဖွဲ့မှာ ထားရှိပါတယ်။ ဝန်ကြီးချုပ်ဟာ အစိုးရအဖွဲ့ရဲ့ အကြီးအကဲဖြစ်ပြီး သမ္မတကတော့ နိုင်ငံတော်ရဲ့ အထွဋ်အထိပ်ဖြစ်ပါတယ်။ သမ္မတဟာ အထွဋ်အထိပ်ဖြစ်တယ် ဆိုပေမယ့် ဥပဒေ အတည်ပြုတာ၊ အခမ်းအနားတက်တာ စတဲ့ သမ္မတအဆင့် ကိစ္စတွေမှာသာ ပါဝင်ပတ်သက်လေ့ရှိပြီး အခြားအထွေထွေ ကိစ္စတွေမှာတော့ ဝန်ကြီးချုပ်ရဲ့ အခန်းကဏ္ဍဟာ အရေးပါလှပါတယ်။

သီးခြား စင်ကာပူရယ်လို့ ဖြစ်လာကတည်းက ဆိုရင် စုစုပေါင်း သမ္မတ ခြောက်ယောက် တင်မြှောက်ထားပြီး ဖြစ်ပါတယ်။ ပထမဆုံး သမ္မတကတော့ Yusof bin Ishak ဖြစ်ပြီး သူ့ရုပ်ပုံတွေကို နိုင်ငံသုံး ပိုက်ဆံတွေပေါ်မှာ ပုံနှိပ်ထားပါတယ်။ သူကွယ်လွန်တဲ့အခါ Benjamin Sheares က ဆက်ခံပါတယ်။ ၁၉၈၁ ခုနှစ်မှာ သူကွယ်လွန်တဲ့အခါ Chengara Veetil Devan Nair က သမ္မတအဖြစ် ဆက်ခံပါတယ်။ Mr.Nair မှာ ကိုယ်ရေးကိုယ်တာ ပြဿနာတွေ ရှိလာတာကြောင့် ၁၉၈၅ ခုနှစ်မှာ အရိုက်အရာက နုတ်ထွက်ခဲ့ပြီး သူ့ကို ဆက်ခံတဲ့ Wee Kim Wee ဟာ သမ္မတအဖြစ် ၁၉၉၃ ခုနှစ်အထိ တာဝန်ထမ်းဆောင် သွားခဲ့ပါတယ်။ သူ့ရဲ့ သမ္မတသက်တမ်းအတွင်း ၁၉၉၁ ခုနှစ်မှာ စင်ကာပူရဲ့ အခြေခံဥပဒေကို ပြင်ဆင်ရေးဆွဲခဲ့ပြီး အဲဒီ ဥပဒေအသစ်အရ သမ္မတကို တိုက်ရိုက် ခန့်ထားခြင်း မပြုတော့ဘဲ ပြည်သူတွေက ရွေးကောက်တင်မြှောက်ရမှာ ဖြစ်ပါတယ်။ ပထမဆုံးသော သမ္မတရွေးကောက်ပွဲကို ၁၉၉၃ ခုနှစ် စက်တင်ဘာလမှာ ကျင်းပခဲ့ပြီး Ong Teng Cheong ကို သမ္မတအဖြစ် ရွေးကောက်တင်မြှောက်ခဲ့ကြပါတယ်။

Ong Teng Cheong ဟာ သမ္မတ ပထမသက်တမ်း ခြောက်နှစ် ထမ်းဆောင်ပြီးတဲ့အခါ နောက်သက်တမ်း တစ်ကြိမ်အတွက် ပြန်လည်ဝင်ရောက်အရွေးခံခြင်း မပြုတော့ပါဘူး။ သူသမ္မတအဖြစ် တာဝန်စဉ်အတွင်း ၁၉၉၆ ခုနှစ်မှာ အသစ်ထပ်မံ ပြင်ဆင်လိုက်တဲ့ အခြေခံဥပဒေသစ်အရ သမ္မတရဲ့ ဗီတိုအာဏာကို ကန့်သတ်ခဲ့ပြီး ပါလီမန်အမတ် ၃ ပုံ ၂ ပုံ သဘောတူရင် ဗီတိုအာဏာကို ပယ်ဖျက်ခွင့်ပြုခဲ့ပါတယ်။ Mr.Ong ကိုဆက်ခံမယ့် သမ္မတရွေးကောက်ပွဲမှာတော့ လက်ရှိသမ္မတကြီး (အမေရိကန် သံအမတ်ကြီးဟောင်း) Sellapan Ramanathan (S.R. Nathan) ဟာ ပြိုင်ဘက်မရှိ ရွေးကောက်ခံခဲ့ရပါတယ်။ ၂၀၀၅ ခုနှစ်မှာ သက်တမ်းပြည့်တဲ့အခါ Mr.Nathan က ဒုတိယသက်တမ်းအတွက် ပြန်လည်အရွေးခံခဲ့ပြီး ဒီတကြိမ်မှာလည်း သမ္မတအဖြစ် ဝင်ရောက် အရွေးခံနိုင်လောက်အောင် လိုအပ်ချက်ပြည့်မီသူ မရှိတဲ့အတွက်ကြောင့် သူ့ကိုပဲ သမ္မအဖြစ် ပြန်လည်တင်မြှောက်ထားခြင်းဖြစ်ပါတယ်။ Mr.Nathan ရဲ့ သမ္မတသက်တမ်းဟာ ၂၀၁၁ မှာပြည့်မှာဖြစ်ပါတယ်။

အစိုးရဝန်ကြီးအဖွဲ့ကို ၅ နှစ်တစ်ကြိမ် ကျင်းပတဲ့ အထွေထွေ ရွေးကောက်ပွဲကနေ တင်မြှောက်ပါတယ်။ ဝန်ကြီးချုပ်ကိုတော့ လွှတ်တော်အမတ်တွေထဲက ယုံကြည်ကိုးစားမှု အခံရဆုံး ပုဂ္ဂိုလ်ကို သမ္မတက ရွေးချယ်တာဖြစ်ပါတယ်။ ပုံမှန်အားဖြင့်တော့ ဝန်ကြီးချုပ်ဟာ ရွေးကောက်ပွဲအနိုင်ရပါတီရဲ့ ခေါင်းဆောင်ဖြစ်လေ့ ရှိပါတယ်။ ဝန်ကြီးချုပ်ရဲ့ အကြံပေးချက်နဲ့ အညီ သမ္မတဟာ ဝန်ကြီးတွေကိုလည်း လွှတ်တော်အမတ်တွေထဲက ခန့်အပ်လေ့ ရှိပါတယ်။

စင်ကာပူနိုင်ငံရဲ့ ပထမဆုံး ဝန်ကြီးချုပ်ကတော့ နိုင်ငံ့ဖခင်ကြီးလို့ ကင်ပွန်းတပ်ခံရတဲ့ လီကွမ်ယူးဖြစ်ပါတယ်။ အထက်မှာ ဖော်ပြခဲ့ပြီးသလို ၁၉၅၉ ခုနှစ် ရွေးကောက်ပွဲရလဒ်အရ အနိုင်ရခဲ့တဲ့ PAP ပါတီရဲ့ ခေါင်းဆောင်ဖြစ်သူ လီကွမ်ယူးကို ဝန်ကြီးချုပ်အဖြစ် တင်မြှောက်ခဲ့ခြင်း ဖြစ်ပါတယ်။ ဝန်ကြီးချုပ်တာဝန်ကို ၁၉၉၀ အထိ ကာလရှည်ကြာစွာ တာဝန်ယူခဲ့အပြီး ဂိုချောက်တောင်ကို ဝန်ကြီးချုပ်အဖြစ် တာဝန်လွှဲပြောင်းပေးခဲ့ပေမယ့် တာဝန်က လုံးဝအနားယူသွားတာ မဟုတ်ဘဲ ဝါရင့်ဝန်ကြီး (Senior Minister) ဆိုတဲ့ ရာထူးနဲ့ အစိုးရအဖွဲ့ထဲမှာ ဆက်လက်ရှိနေခဲ့ပါတယ်။ ၁၉၉၁ ခုနှစ် ရွေးကောက်ပွဲမှာလည်း PAP ပါတီက မဲ ၆၁% နဲ့ အနိုင်ရခဲ့လို့ ဂိုချောက်တောင်က ဝန်ကြီးချုပ်အဖြစ် ဆက်လက်တာဝန်ယူခဲ့ပါတယ်။ PAP ပါတီရဲ့ အထွေထွေ အတွင်းရေးမှူးချုပ်ရာထူးကိုလည်း ၁၉၉၂ ခုနှစ်မှာ လီကွမ်ယူးဆီက လွှဲပြောင်းရယူခဲ့ပါတယ်။ ဝန်ကြီးချုပ်အဖြစ် ၂၀၀၄ ခုနှစ် သြဂုတ်လတိုင်အောင် တာဝန်ယူခဲ့ပြီး ၂၀၀၄ ခုနှစ်မှာတော့ ဝန်ကြီးချုပ်ဟောင်း လီကွမ်ယူးရဲ့ သားကြီးလည်းဖြစ်၊ ဒုတိယဝန်ကြီးချုပ်လည်းဖြစ်တဲ့ လီရှန်လွန်းကို ဝန်ကြီးချုပ်ရာထူး လွှဲပြောင်းပေးခဲ့ပါတယ်။

အဲဒီအခါမှာ လီကွမ်ယူးက အကြံပေးဝန်ကြီးရာထူးကို ပြောင်းလဲရယူလိုက်ပြီး ဂိုချောက်တောင်ကတော့ ဝါရင့်ဝန်ကြီးရာထူးကို ဆက်ခံပါတယ်။ လီရှန်လွန်းဟာ နာမည်ကျော် Cambridge နဲ့ Harvard တက္ကသိုလ်ကြီးတွေမှာ ပညာသင်ခဲ့သူဖြစ်ပြီး Public Administration ဘာသာရပ်နဲ့ မာစတာဘွဲ့ရထားပါတယ်။ လက်ရှိမှာ တစ်နှစ်လစာငွေ အမေရိကန်ဒေါ်လာ ၂.၈ သန်းနဲ့ ကမ္ဘာမှာ လစာအများဆုံး နိုင်ငံ့ခေါင်းဆောင်ဖြစ်ပါတယ်။ ဝင်ငွေတစ်နှစ် အမေရိကန်ဒေါ်လာ ၄ သိန်းသာရတဲ့ အမေရိကန် သမ္မတလစာနဲ့ ယှဉ်ရင် အတော်လေးများတာကို တွေ့ရမှာဖြစ်ပါတယ်။

စင်ကာပူအစိုးရကို အောက်ပါ ဝန်ကြီးဌာန ၁၅ ခုနဲ့ ဖွဲ့စည်းထားပါတယ်။

(၁) ဝန်ကြီးချုပ်ရုံးဝန်ကြီးဌာန
(၂) လူငယ်၊ အားကစားနှင့် ပတ်ဝန်းကျင် ဖွံ့ဖြိုးတိုးတက်ရေး ဝန်ကြီးဌာန
(၃) ကာကွယ်ရေး ဝန်ကြီးဌာန
(၄) ပညာရေး ဝန်ကြီးဌာန
(၅) သဘာဝပတ်ဝန်းကျင်နှင့် ရေအရင်းအမြစ် ဝန်ကြီးဌာန
(၆) ဘဏ္ဏာရေး ဝန်ကြီးဌာန
(၇) နိုင်ငံခြားရေး ဝန်ကြီးဌာန
(၈) ကျန်းမာရေး ဝန်ကြီးဌာန
(၉) ပြည်ထဲရေး ဝန်ကြီးဌာန
(၁၀) သတင်းအချက်အလက် ဆက်သွယ်ရေးနှင့် အနုပညာ ဝန်ကြီးဌာန
(၁၁) တရားရေး ဝန်ကြီးဌာန
(၁၂) အလုပ်သမား ဝန်ကြီးဌာန
(၁၃) အမျိုးသား ဖွံ့ဖြိုးတိုးတက်ရေး ဝန်ကြီးဌာန
(၁၄) စက်မှုကုန်သွယ်ရေး ဝန်ကြီးဌာန
(၁၅) ပို့ဆောင်ရေး ဝန်ကြီးဌာန တို့ဖြစ်ပါတယ်။

ဒီဝန်ကြီးဌာန ၁၅ ခုထဲမှာ အလုပ် သို့မဟုတ် ကျောင်းလာတက်တဲ့ မြန်မာအပါအဝင် နိုင်ငံခြားသားတွေ အများဆုံး ပတ်သက်ဆက်ဆံနေရတဲ့ ဝန်ကြီးဌာနတွေကတော့ ပြည်ထဲရေးနဲ့ အလုပ်သမားဝန်ကြီးဌာနတွေပဲ ဖြစ်ပါတယ်။ ပြည်ထဲရေးဝန်ကြီးဌာနရဲ့ လက်အောက်ခံ လူဝင်မှု ကြီးကြပ်စီစစ်ရေးအာဏာပိုင် (Immigration and Checkpoints Authority, ICA) ဆိုတဲ့ ဌာနကတော့ လေဆိပ်အဝင်အထွက်၊ အကောက်ခွန်၊ P.R လျှောက်ထားတာ၊ Student Pass လျှောက်ထားတာတွေကို တိုက်ရိုက်ကိုင်တွယ်တဲ့ ဌာနဖြစ်ပါတယ်။ အလုပ်ကို တိတိကျကျလုပ်ပြီး ညှိနှိုင်းရှင်းပြရခက်တဲ့ ဌာနတစ်ခုပါပဲ။ ကိစ္စတစ်ခုကို YES သို့မဟုတ် NO အဖြေပေးနိုင်တဲ့ အခွင့်အာဏာကို အပြည့်အဝအသုံးချလေ့ရှိပြီး မလိုအပ်ဘူးထင်ရင် အကြောင်းပြချက်တွေ ရှည်ရှည်ဝေးဝေး ရှင်းပြလေ့မရှိလို့ တခါတလေ သူတို့နဲ့ ဆက်ဆံရတာ အတော်လေး ကသိကအောက် ဖြစ်ရပါတယ်။ အလုပ်သမားဝန်ကြီးဌာန (Ministry of Manpower, MOM) ကတော့ အလုပ်သမားရေးရာတွေကို ကိုင်တွယ်ပါတယ်။ စင်ကာပူမှာ အလုပ်လာရှာလို့ အလုပ်ခန့်အပ်ခံရတဲ့အခါ အလုပ်ရှင်က သင့်လျော်တဲ့ အလုပ် လုပ်ခွင့် (ဥပမာ E.P, Spass) ကို MOM မှာ လျှောက်ထားရတာဖြစ်ပါတယ်။ အခြား အလုပ်သမားရေးရာတွေဖြစ်တဲ့ လစာမရတဲ့ကိစ္စ၊ အလုပ်ချိန်ကိစ္စ၊ အလုပ်သမားနဲ့ အလုပ်ရှင်အကြားပြဿနာတွေကိုလည်း ဖြေရှင်းပေးတဲ့ ဌာနဖြစ်ပါတယ်။ ပုံမှန်အားဖြင့်တော့ MOM ဟာ အလုပ်သမားတွေဘက်က ရပ်တည်လေ့ရှိပါတယ်။ အလုပ်သမားအခွင့်အရေးတွေ၊ အခြားသိထားသင့်တာတွေကို MOM ရဲ့ အင်တာနက် စာမျက်နှာ ဖြစ်တဲ့ www.mom.gov.sg မှာ ဖတ်ရှုနိုင်ပါတယ်။

စင်ကာပူရွေးကောက်ပွဲများ

စင်ကာပူမှာ အဓိကရွေးကောက်ပွဲကြီး ၂ ခုရှိပါတယ်။ တစ်ခုကတော့ ၅ နှစ်တစ်ကြိမ် ကျင်းပတဲ့ သမ္မတရွေးကောက်ပွဲဖြစ်ပြီး နောက်တစ်ခုကတော့ ၄ နှစ်တစ်ကြိမ် ကျင်းပတဲ့  အထွေထွေရွေးကောက်ပွဲပဲဖြစ်ပါတယ်။ ကျင်းပတဲ့သက်တမ်းလည်း သိပ်မကြာသေးသလို စိတ်ဝင်စားဖွယ် မရှိတဲ့ သမ္မတရွေးကောက်ပွဲအကြောင်းကိုတော့ ဒီဆောင်းပါးမှာ စိတ်မကောင်းစွာနဲ့ ချန်လှပ်ခဲ့မှာဖြစ်ပြီး အထွေထွေ ရွေးကောက်ပွဲအကြောင်းကိုတော့ သိသင့်တာလေးတွေ တတ်နိုင်သလောက် စုစည်း ဖော်ပြပေးသွားပါမယ်။

စင်ကာပူလွတ်လပ်ရေးရခဲ့တဲ့ ၁၉၆၅ ခုနှစ်ကနေ ၁၉၈၃ ခုနှစ်တိုင်အောင် ကျင်းပသမျှ ရွေးကောက်ပွဲတိုင်းမှာ လီကွမ်ယူးရဲ့ PAP ပါတီက အမတ်နေရာအားလုံး အနိုင်ရခဲ့တာက ထူးခြားတဲ့ မှတ်တမ်းတစ်ခုပဲဖြစ်ပါတယ်။ ၁၉၈၄ ခုနှစ် ရွေးကောက်ပွဲမှာမှ ပထမဆုံးအနေနဲ့ အတိုက်အခံပါတီက အမတ် ၂ နေရာရခဲ့ပါတယ်။ ယနေ့ထက်တိုင်အောင် PAP ပါတီဝင်မဟုတ်ဘဲ ပါလီမန်မှာ အရွေးခံရတဲ့ အတိုက်အခံအမတ် ၅ ဦးပဲရှိသေးတယ်လို့လည်း သိရပါတယ်။ နောက်ထပ် ထူးခြားမှုတစ်ခုကတော့ စင်ကာပူရွေးကောက်ပွဲတွေရဲ့ မဲဆန္ဒနယ် ၅၀% လောက်က အမတ်လောင်းတွေဟာ ယှဉ်ပြိုင်အရွေးခံမယ့် အခြားအမတ်လောင်းတွေ မရှိတာ သို့မဟုတ် အရည်အသွေး မပြည့်မီတာကြောင့် တိုက်ရိုက်ရွေးကောက်ခံကြရပါတယ်။ ဒီ ၅၀ ဆိုတဲ့ ရာခိုင်နှုန်းဟာ ကမ္ဘာအနှံ့ရွေးကောက်ပွဲ အရပ်ရပ်ကြားမှာ အတော်မြင့်မားတဲ့နှုန်းဖြစ်ပါတယ်။ ဒါကြောင့် မဲမပေးခင်ကတည်းက PAP ပါတီက အမတ်တွေဟာ အလိုလျောက် ရွေးကောက်ခံနေနှင့်ပြီး ဖြစ်နေတတ်ပါတယ်။ အခြားနိုင်ငံအချို့မှာလိုပဲ စင်ကာပူမှာလည်း အတိုက်အခံ ခေါင်းဆောင်တချို့ဟာ ထိန်းသိမ်း ခံထားရတာတွေ ရှိပါတယ်။ ၁၉၆၀ နဲ့ ၁၉၇၀ ပြည့်နှစ်များအတွင်းမျာ Lim Chin Siong ၊ Said Zahari နဲ့ Lim Hock Siew တို့လို အတိုက်အခံခေါင်းဆောင်တွေကို ရုံးတင် စစ်ဆေးခြင်းမပြုဘဲ ထိန်းသိမ်းခဲ့ပါတယ်။ အဖမ်းခံရသူတစ်ဦးဖြစ်တဲ့ Chia Thye Poh ဆိုရင် ထောင်ဒဏ် ၂၃ နှစ်ကျခံခဲ့ရပြီး ကမ္ဘာမှာ ထောင်သက်အရှည်ဆုံး နိုင်ငံရေး အကျဉ်းသားတစ်ဦးလည်း ဖြစ်ပါတယ်။ ထင်ရှားတဲ့ အတိုက်အခံပါတီ Singapore Democratic Party (SDP) ရဲ့ အထွေထွေအတွင်းရေးမှူးချုပ် Dr.Chee Soon Juan ဆိုရင်လည်း ခွင့်ပြုမိန့် မရှိဘဲ လူစုလူဝေးနဲ့ တရားဟောပြောမှုအတွက် ထောင်ဒဏ် အပြစ်ပေးခံခဲ့ရပါတယ်။

စင်ကာပူမှာ ရွေးကောက်ပွဲဝင်မယ့် အမတ်လောင်းတွေဟာ Election Deposit လို့ခေါ်တဲ့ ရွေးကောက်ပွဲ အာမခံကြေး စင်ကာပူဒေါ်လာ ၁၃၅၀၀ သွင်းရပါတယ်။ ဒီငွေပမာဏဟာ အမတ်တစ်ယောက်ရဲ့ တစ်နှစ်ဝင်ငွေရဲ့ ၈% ရှိလို့ မနည်းလှပါဘူး။ တကယ်လို့ ရွေးကောက်ပွဲဝင်သူဟာ မဲ ၈ ပုံ ၁ ပုံထက် လျော့ပြီး ရခဲ့မယ်ဆိုရင် အဲဒီငွေကို ပြန်ပေးတော့မှာမဟုတ်ဘဲ ရွေးကောက်ပွဲကော်မရှင်က သိမ်းယူမှာဖြစ်ပါတယ်။ အသက် ၂၁ နှစ်ပြည့်ပြီးတဲ့ စင်ကာပူနိုင်ငံသားတိုင်း မဲပေးခွင့် ရှိပါတယ်။ မဲဆန္ဒနယ် သတ်မှတ်ရာမှာတော့ Group Representation Constituencies (GRC) လို့ခေါ်တဲ့ စုပေါင်းမဲဆန္ဒနယ် ၁၄ ခုသတ်မှတ်ထားပြီး GRC တစ်ခုကို အမတ်နေရာ ၅ နေရာ သို့မဟုတ် ၆ နေရာအထိ ရွေးကောက်ပါတယ်။ Single Member Constituencies (SMC) လို့ခေါ်တဲ့ အမတ်တစ်နေရာသာ ရွေးကောက်တဲ့ မဲဆန္ဒနယ်ကတော့ ၉ ခုရှိပါတယ်။ ၂၀၀၆ ခုနှစ်ရွေးကောက်ပွဲမှာ အမတ်နေရာစုစုပေါင်း ၈၄ နေရာအတွက် ရွေးကောက်ခဲ့ကြပါတယ်။  ဒီ ၈၄ နေရာမှာ လက်ရှိအနိုင်ရပါတီဖြစ်တဲ့ PAP ပါတီကပဲ ၈၂ နေရာအနိုင်ရခဲ့ပြီး Workers' Party က တစ်နေရာ၊ Singapore Democratic Alliance က တစ်နေရာစီသာ ရခဲ့ကြပါတယ်။  ဒါကြောင့် PAP ပါတီကပဲ မဲအပြတ်အသတ် အနိုင်ရခဲ့ပြီး အစိုးရအဖွဲ့ကို ၁၉၆၅ ခုနှစ်ကတည်းက ဦးစီးလာတဲ့ စံချိန်ကို ဆက်လက် ထိန်းသိမ်းနိုင်ခဲ့ပါတယ်။

မြန်မာနိုင်ငံမှာလည်း မကြာခင်ကျင်းပတော့မယ်လို့ ကြေညာထားတဲ့ ရွေးကောက်ပွဲနဲ့ အနိုင်ရပါတီအစိုးရဖွဲ့တဲ့အခါ တရားမျှတမှု ရှိပါစေ၊ တည်ကြည်ခိုင်မာ ယုံကြည်စိတ်ချရတဲ့ အစိုးရဖြစ်ပါစေလို့ ဆုတောင်းရင်း ဒီတပတ်အတွက် သိထားသင့်တဲ့ စင်ကာပူကို အဆုံးသတ်လိုက်ရပါတယ်။

သံလွင်အိပ်မက် အတွဲ (၂) ၊ အမှတ် (၂) တွင် ဖော်ပြခဲ့သော သိထားသင့်တဲ့ စင်ကာပူ (၁) - သယ်ယူပို့ဆောင်ရေး
သံလွင်အိပ်မက် အတွဲ (၂) ၊ အမှတ် (၃) တွင် ဖော်ပြခဲ့သော သိထားသင့်တဲ့ စင်ကာပူ (၂) - နေထိုင်မှုစနစ်
သံလွင်အိပ်မက် အတွဲ (၃) ၊ အမှတ် (၁) တွင် ဖော်ပြခဲ့သော သိထားသင့်တဲ့ စင်ကာပူ (၃) - ပညာရေး
သံလွင်အိပ်မက် အတွဲ (၃) ၊ အမှတ် (၂) တွင် ဖော်ပြခဲ့သော သိထားသင့်တဲ့ စင်ကာပူ (၄) - အလုပ်အကိုင် အခွင့်အလမ်းများ 

သံလွင်အိပ်မက် အတွဲ (၃) ၊ အမှတ် (၃) တွင် ဖော်ပြခဲ့သော သိထားသင့်တဲ့ စင်ကာပူ (၅) - အလုပ်အကိုင် အခွင့်အလမ်းများ (နောက်ဆက်တွဲ)   

သံလွင်အိပ်မက် အတွဲ (၃) ၊ အမှတ် (၄) တွင် ဖော်ပြခဲ့သော သိထားသင့်တဲ့ စင်ကာပူ (၆) - ငွေကြေးနှင့် ဘဏ်များ

မောင်ပွတ်

http://www.thanlwin.com/new/index.php?option=com_content&task=view&id=2019&Itemid=272

ကိုမောင်ပွတ် ဒီလောက် သေသေချာချာ လေ့လာပြီး ဝေမျှပေးထားတာ ကျေးဇူး တင်ပါတယ်။

Reade more >>